ZERVESTA seu SERVESTA

ZERVESTA, seu SERVESTA

urbs parva Saxoniae superioris in Principatu Anhaltino, Zerbst vulgo, in limite Ducatus Magdeburgensis, sub proprio Principe. Lineae huius auctor fuit Sigfridus, filius Henrici, a Friderico II. Principis Anhaltini creati, frater Bernhardi, qui Bernburgiam orsus est. Sigfridus is genuit Albertum, cuius filius Albertus iunior Iohannem suscepit: qui Xanthippeis uxoris Elisabethae Hennebergicae iurgiis fatigatus, sponte perpetuum exulavit, pater Alberti III. qui Coethani, et Sigismundi, qui iterum Servestani rami auctor fuit. Hôc natus Georgius obiit A. C. 1474. pater Woldemari, cuius filius Wolfgangus pietate, temperantiâ et literis inclitus fuit, et Ernesti: cuius filii tres Iohannes Servestam, Geotgius Hatzkerodam, et Ioachimus Dessaviam tenuêre. Iohannisfilius Ioachimus Ernestus, unus post plura saecula, totius Principatus possessor, pater inter alios fuit Rodolfi, Servestanae iterum lineae conditoris, cui, ex secunda uxore Magdalena Oldenburgica, Iohannes natus est, qui solus ex sua gente Augustan. Confessionem est amplexus, ex Sophia Aug. Holsata numerosae prolis parens, Phil. Iac. Spenerus, Syll. Geneal. Histor. Distat urbs 7. milliar. Germanic. a Witteberga in Circium, Magdeburgum versus 5. et 3. a Dessavia in Boream. Cerevisiâ suâ nota.